UDALERRI ZIRKULARRAK

Ekonomia linealetik ekonomia zirkularrerako aldaketak ingurumeneko eraginak eta kanpoko baliabideen mendekotasuna murrizten laguntzen du. Paradigma aldaketa hori lortzeko udalerriek duten zeregina funtsezkoa da, batetik, herritarrengandik hurbil daudelako, eta hori oso garrantzitsua da ekonomia zirkularraren garrantziaz kontzientziatzeko eta ohitura jasangarriak ezartzeko, eta, bestetik, hondakinetan, energian, mugikortasunean, hirigintzan eta beste hainbat gaietan dituzten eskumenengatik.

Foro honetan, Europan egin diren ekimenak aztertuko dira, hala nola, CCRI - Circular Cities and Regions Initiative eta The Circular City Centre - C3, eta gure udalerrietan nola aplikatu ahal diren ere aztertuko da.

CSRD ZUZENTARAUA

Europar Batasunak gardentasun korporatiboa bultzatu nahi du; horretarako, Jasangarritasun Korporatiboaren Txostenari buruzko Zuzentaraua (CSRD) derrigorrezkoa izango da 2025etik aurrera. Zuzentarau horrek jasangarritasun-txostenak egiteko betebeharra enpresa askoz gehiagotara zabaltzen du (handiak zein ertainak), eta ingurumen-, gizarte- eta gobernantza-adierazleak (ESG) hedatzeko estandar berriak ezartzen ditu.

Saio honetan, enpresek eta adituek zuzentarau honen erronkak aztertuko dituzte, eta baita gardentasun korporatiboak lehiakortasuna eta inbertitzaileekiko harremana hobetzeko duen garrantzia ere.

Side-event 2-1

HONDAKINEN KUDEAKETA

EBk 2.100 milioi tona hondakin baino gehiago sortzen ditu urtero. Datuek erakusten dute hondakinen kopurua eta horiek kudeatzeko modua oso ezberdinak direla EBko herrialdeetan, baina ikusten da birziklapenak gora egin duela eta isurketak murriztu direla.

Hondakinak eta horiek ingurumenean duten eragina murrizteko, EBk birziklapenari eta isuriei buruzko asmo handiko helburuak jarri ditu, eta hainbat korronte hobetzeko lanean ari da. Helburua eredu jasangarriago baterako aldaketa sustatzea da: ekonomia zirkularra.

Horrez gain, Europa Hondakinei buruzko Esparru-Zuzentaraua berrikusten ari da, elikagai- eta ehun-hondakinei aurre egiteko. Hori guztia aztertuko da saio honetan.

ETE-EN JASANGARRITASUNAREN EBALUAZIOA

Enpresen korporazio-estrategietan gero eta garrantzi handiagoa du jasangarritasunak, eta horrek erakundeek erronka globaletan duten erantzukizunari aurre egiteko modua asko aldatu dela erakusten du. Jasangarritasunaren ebaluazioak, beraz, ez die enpresa handiei bakarrik eragiten; izan ere, gero eta enpresa txiki eta ertain gehiagok erantzun behar diete beren agente inbertitzaileek, finantza-erakundeek, bezeroek eta hornitzaile diren enpresek jasangarritasunari buruz egiten dieten eskaerei.

Eskatutako informazio hori ETE baten egiturari egokitzea eta eskakizunak betetzeko eta jasangarritasuna garatzeko laguntza-programak garatzea izango dira saioaren gai nagusiak.

Side-event 2-2

Greenwashing

Jasangarritasun-aitorpenei buruzko lege- eta arau-kontrolak areagotu izanak, eta kontsumitzaileek produktuen jasangarritasunari buruzko egiazko informazio egiaztatua gero eta gehiago eskatzeak, benetako kaltea eragin dezakete gaur egun “greenwashing” edo zuritze ekologiko praktikak egiten dituzten erakundeen izen onean eta finantzetan.

Saio honetan, galdera hau erantzuten saiatuko gara: nola jakinaraz ditzakete enpresek jasangarritasun arloan egiten dituzten ekimenak, greenwashing-eko salaketak jasotzera menturatu gabe, horrek ekarriko lukeen kalte ekonomiko eta ospearen kaltearekin?

EUROPAKO TAXONOMIA

Finantza-zerbitzuen eta inbertsio-funtsen merkatuan, inbertitzaileek eta finantzatzaileek gero eta gehiago bilatzen dituzte jasangarri gisa sailka daitezkeen enpresen eta proiektuen inbertsioak eta finantzaketak.

Europako taxonomia Europako Batzordea egiten ari den arautegiaren funtsezko zati bat da, finantza-sektoreak Europako ekonomiaren deskarbonizazioa eta ekonomia zirkularra lortzen lagun dezan. Sistema horren bidez, inbertsio jasangarrietara bideratu nahi dira kapital-fluxuak. Eta, horretarako, jarduera ekonomikoak sailkatzeko sistema bat sortu da, jarduera horien ingurumen-jasangarritasunaren maila finkatzeko.

Side-event 2-3

Climate & circularity calculator

Ingurumen-hobekuntzan lan egiteko, neurtzea da lehen urratsa. Ingurumen ebaluazioa erakundeen ikuspegitik egiteak diagnostiko globala izatea, hobekuntzak identifikatzea eta ingurumen-helburuen jarraipena egitea ahalbidetzen ditu. Produktu- edo zerbitzu-ikuspegiarekin ebaluatuz, produktua edo zerbitzua diseinatzen den unetik ingurumen-inpaktua murrizteko erabakiak hartu ahal dira: hau da, ekodiseinatu ahal da.

Ingurumen-ebaluazio hori errazteko, Ihobek doako tresna informatiko bat jarri du enpresen eskura, erakundeen, produktuen eta zerbitzuen ingurumen-portaera bizi-zikloaren ikuspegiarekin erraz ebaluatzeko.

Negozio-eredu zirkularrak

Zerbitizazio jasangarriak, produktuaren fabrikazioan eta salmentan oinarritutako negozio-eredu tradizionaletik erabileraren araberako ordainketan, emaitzen araberako ordainketan eta produktuaren balioa atxikitzean oinarritutako negozio-eredura aldatzea dakar. Horrek, produktuen iraunkortasun handiagoa dakar, baina, lehenik eta behin, egungo negozio-eredua eraldatzea eskatzen du.

Joera horrek zailtasun finantzario, operatibo, teknologiko eta komertzialak ditu, baina inoiz baino aukera hobea da, besteak beste, digitalizazioan egin diren aurrerapenei esker. Saio honetan, negozio-eredu berri hori aplikatzen ari diren gure inguruko enpresek jarduera-estrategia horretan sakonduko dute.

Side-event 3-1

Adimen artifiziala (aa) eta zirkulartasuna

Adimen artifiziala (AA) “laugarren industria-iraultza” deiturikoa eragin duten teknologien oinarrian dago. AAk pertsonen gaitasunak osatu eta haien gaitasunak zabaldu ditzake. AA eta beste iraultza handia konbinatzeak, ekonomia zirkularra, behar den aldaketa azkartu dezake.

AA ekonomia zirkularra sustatzeko nola erabili daiteken ezagutzea funtsezkoa izango da zenbait arlotan aplikatzeko, esaterako, diseinu zirkularrean, negozio-eredu zirkularretan eta azpiegitura zirkularraren optimizazioan. Azken batean, AA sare eta sistema osoak berriz diseinatzeko erabili daiteke, hala nola hornidura-kate berriak edo alderantzizko logistikako azpiegitura globalaren optimizazioa.

Materialen eraginkortasuneko ekoberrikuntza

Euskadin gehien kontsumitzen diren materialen artean metalak, mineralak, polimeroak eta egurra daude.

Materialen fluxuak eta haien zirkulartasun maila aztertuta, aukerak ikusten dira, baina baita arriskuak ere. Enpresa eta teknologia sektoreekin hitz eginez, sinergia eta aukera potentzialak ikusten dira balio-kateetan, materialen produktibitatea handitzeko, Europar Batasunak ekonomia zirkularrean hartutako neurriak kontuan hartuta.

Saio honetan, gai honetan adituak diren pertsonek aurkitutako enpresa-aukerak aztertuko dituzte.

Side-event 3-2