Rafael MIGUEL Zientzia Kimikoetan lizentziatua da. Graduondokoa Material Plastikoetan eta Konpositetan. 30 urtetik gorako esperientzia ikerketako eta teknologia-garapeneko proiektuetan, emaitzak enpresa transferitzeko asmoarekin. Esperientzia zabala plastikoen prozesamenduan eta material berrien garapenean. Parte-hartze trinkoa izan du hondakinen fluxuen birziklapenerako instalazio berritzaileen diseinu eta eraikuntzan. Badu esperientzia I+G+b proiektuen parte-hartze eta koordinazioan (nazio mailan eta nazioartean), honako gai hauetan: (1) ekonomia zirkularra eta kontsumo aurreko eta kontsumo osteko hondakinen birziklapena, hala nola hiri-hondakinak, ibilgailuak haien balio-bizitzaren amaieran, ekipo elektriko eta elektronikoen hondakinak, ontziak, ehunkiak, etab. (2) operazio mekanikoen garapen eta aplikazioa (operazio konbentzionalak eta sentsoreetan oinarritutakoak), hondakin-fluxuen eta frakzio-kontzentrazioen tratamendurako (plastikoak, metalak, etab.) eta materialen zikloaren itxierarako; eta (3) birziklapen-operazio eta -prozesuen ingurumen-, ekonomia- eta gizarte-ebaluazioa. Esperientzia negozio berrien garapenean eta I+G proiektuetan, eta bezeroen beharrak asetzean, soluzio berritzaileen hornitzaile gisa. Ekarpen aktiboa ingurumen-teknologiekin lotutako hedakuntza- eta prestakuntza-ekitaldietan. Bere jardueren parte bat Linköpingeko Zientzia Forentseen Laborategian (Suedia) garatu da, I+G sailean. Gaur egun, GAIKEReko Ekonomia Zirkular eta Birziklapen Taldeko merkatuko jardueren arduraduna da, eta baita ikertzaile nagusia ere.
