Heriberto Pérez Bide, Kanal eta Portuen Ingeniaria da Burgosko Unibertsitatetik eta Industria Antolakuntzako Ingeniaria eta Ingeniaritza Mekanikoko Nazioarteko Doktorea UPV/EHUtik. Excavaciones Cantábricas, S.A.n 6 urtez baino gehiagoz jardun ondoren, obra- eta ekoizpen-buru gisa, Bizkaiko obra zibil nagusietako batzuetan, 2011/12 ikasturtetik aurrera Ingeniaritza Mekanikoko Sailean sartu zen, Eraikuntzaren Ingeniaritzaren arloan, eta klaseak ematen ditu Ingeniaritza Zibileko Graduan, batez ere errepide eta trenbideekin lotutako irakasgaietan. Gaur egun, Unibertsitate-irakasle Titularra da.
Bere ikerketa-ildo nagusiak errepideekin lotuta daude: bide-zoruen narriadura-ereduak; hondar-materialen erabilera nahasketa bituminosoetan; bide-zoruen birziklapena, eta bide-segurtasuna. Errepide eta tuneletako bide-zoruei buruzko 30 JCR artikulu baino gehiago argitaratu ditu, eta 20 txosten baino gehiago aurkeztu ditu nazioarteko biltzarretan. Orobat, 6 irakaskuntza-eskuliburu idatzi ditu.
