Zientzia Kimikoetan Doktorea eta Euskal Herriko Unibertsitateko Ingeniaritza Kimikoa eta Ingurumenaren Ingeniaritza Saileko Katedraduna. Bere irakaskuntza- eta ikerketa-jarduna Bilboko Ingeniaritza Eskolan garatzen du, eta euskal unibertsitate-sistemaren errendimendu handiko Sustainable Process Engineering (SuPrEn) ikerketa-taldeko partaidea da. Bere ikerketa-arloaren ardatzak industria- eta hiri-jatorriko hondakinen birziklapena eta balorizazioa dira, tratamendu termikoen bitartez. 26 ikerketa-proiektutan parte hartu du, zenbait kontratu izan ditu enpresekin, eta 55 artikulu argitaratu ditu inpaktu-indize handiko nazioarteko aldizkarietan.
