ESGko zuzendaria - Kutxabank

Ekonomia eta Enpresa Zientzietan lizentziaduna eta Finantza Aholkularitzako graduondokoa, Deustuko Unibertsitatean. Finantza-sektoreko eta euskal industria-sektoreko enpresen kontu-ikuskatzaile gisa hasi zen lanean PriceWaterhouseCoopers enpresan. 1994an Kutxabanken (orduan BBK) sartu zen, eta bertan txikizkako merkataritza-sareko taldeen zuzendaritza-postuak izan ditu. BBKren Gizarte Ekintzako zuzendaritza-taldean parte hartu du, gizarteratzearen eta gizarte-berrikuntzaren arloan entitateak finantzatutako gizarte-proiektuen balorazioan eta jarraipenean espezializatua. Gaur egun, Kutxabankeko ESG zuzendaritzaren arduraduna da, Komunikazio eta Jasangarritasun sailaren mendekoa. Zuzendaritza honek jasangarritasunarekin zerikusia duten lan-ildoak koordinatzen ditu, batez ere finantza jasangarriekin zerikusia duten alderdiak.

Duela gutxi, AFI Finantza Eskolak emandako “Finantza Jasangarrietan Zuzendaritza Garatzeko Programa” eta Barcelona School of Managementek emandako “Inbertsio Jasangarrien Ziurtapen Ikastaroa” egin ditu.