Iraunkortasunaren eta Gizarte Konpromisoaren arloko zuzendaria - UPV/EHU

Ingurumenaren Teknologien arloko irakaslea Bilboko Ingeniaritza Eskolan, eta UPV/EHUko Atmosferaren Ikerketa Taldeko ikertzailea.

Ingurumen Ingeniaritzako doktorea (2011) da, eta ikerketa-jarduera handia egiten du Kutsadura Atmosferikoaren esparruan (modelizazio meteorologikoa eta airearen kalitatearena).

Europako eta Estatuko proiektuetan eta administrazioarekin eta enpresekin egindako kontratuetan parte hartu du, eta aldizkari indexatuetan (JCR) eta txosten teknikoetan agertu diren artikulu batzuetan islatu ditu.

Irakaslea da hainbat gradu eta graduondotan, gaztelaniaz, euskaraz eta ingelesez, eta balorazio bikainak jaso ditu.

Irakaslea da, halaber, Ingurumen Ingeniaritza eta Kudeaketa, Enpresari Aplikatutako Ekonomia Zirkularra eta Smart Cities and Communities masterretan.

Hainbat ikerketa-egonaldi egin ditu: Nevadako Unibertsitatean, Aalborgeko Unibertsitatean eta Paul Scherrer Institute (Suitza) izenekoan.

2017. urteaz geroztik, UPV/EHUko Iraunkortasunaren eta Gizarte Konpromisoaren arloko zuzendaria da. Gainera, Garapenerako Lankidetzaren Euskal Kontseiluko, Eusko Jaurlaritzaren 2030 Agendaren Eragile Anitzeko Foroko eta Garapen Iraunkorrerako Espainiako Sarearen (REDS) Aholku Batzordeko kidea da. Azken horretan, 1. presidenteordea da 2020ko abenduaz geroztik.