Industria Diseinuko Berrikuntzaren arloko koordinatzailea - Mondragón Unibertsitatea

Ingeniari doktorea, Castellóko Jaume I Unibertsitatean. 1996. urteaz geroztik, Mekanika eta Ekoizpen Industrialeko irakasle da, eta Mondragon Unibertsitateko Goi Eskola Politeknikoko Ekonomia Zirkularra eta Industria Jasangarritasuna (ECSI) taldeko ikertzaile da.

Ikerketa-taldea dinamikoa da, eta kalitate eta eragin handiko I+G proiektuak egiten ditu ekonomia zirkularraren eta garapen jasangarriaren arloetan. Euskal Autonomia Erkidegoko, Espainiako eta Europako industriekin, enpresa-elkarteekin eta erakunde publikoekin lan egiten du, ekonomia zirkularrerako trantsizio jasangarria errazteko. Ikerketa-talde honen helburu nagusia enpresei baliabideen erabileraren eraginkortasuna eta errendimendu ekonomikoa hobetzen laguntzea da, ingurumenari eta gizarteari kalte egin gabe. ECSIn egindako ikerketak ekonomia zirkularra eta jasangarritasuna industria-diseinuaren ikuspegitik (ekodiseinua, ekoberrikuntza, ekoeraginkortasuna eta pertsonetan oinarritutako diseinua) ikertzea du ardatz.