Basque Circular Summit 2022 “Walking the talk” ekitaldiak ekonomia zirkularraren erronka garrantzitsuei buruz ohartaraztea eta euskal ekonomiarako sortutako aukerak aztertzea ditu helburu, bai eta euskal enpresek lankidetza publiko-pribatutik egindako lana nabarmentzea ere, Euskadiko Ekonomia Zirkularraren eta Bioekonomiaren 2024 Planaren helburuei laguntzeko.
Enpresari eta industriari zuzendutako hiru jardunalditan zehar, alderdi hauek landuko dira:
- Europako Itun Berdeak bultzatutako Ekonomia Zirkularraren erronka eta aukera berriak euskal enpresei hurbiltzea.
- Eusko Jaurlaritzak enpresei laguntzeko duen konpromisoa eta horren emaitzak erakustea (metodo berriak, tresnak, gidak eta eskuliburuak…).
- Euskal enpresek Ekonomia Zirkularraren arloan garatutako lana eta lortutako emaitza berritzaileak (Basque Ecodesign Center, ETE Zirkularra Euskadi eta Ekoberrikuntza-proiektuak) helaraztea.
- Irizpidea eskaintzea eta euskal enpresak, erakunde publikoak eta toki-erakundeak bultzatzea, bai eta konprometitutako gazteak ere, ekonomia zirkularraren aldeko apustua areagotu dezaten.
- Euskadi enpresa-ekonomia zirkularrean “Europako hegoaldeko abangoardia” gisa bistaratzea eta nazioartean kokatzea.
